Ĕмĕрсем иртеççĕ пулсан та чăваш тĕррин илемлĕхĕ пире паянхи кун та илĕртет. Чăваш халăхĕн ӳнер ăсталăхĕ тишкерсе пĕтерме çук анлă та пуян. Чӑвашӑн ҫи-пуҫӗ тӗрӗллӗ, савӑт-сапи эрешлӗ пулнӑ. Ҫавӑнпа-ши вӑл пӗтӗм тӗнчене тӗрӗллӗ курнӑ. Сӑмах ӑстисен хайлавӗсене вулатӑн та чӑваш тӗнчи мӗн тери эрешлӗ пулнине тата туллинрех куратӑн.

Çулленех чÿк уйăхĕн 26-мĕшĕнче пирĕн республикăра Чăваш тĕррин кунне паллă тăваççĕ. Кăçал вăл канмалли куна лекнĕрен уяв мероприятийĕсене чÿк уйăхĕн 24-мĕшĕнче ирттертĕмĕр.
ЧР Культура министерстви иттерекен «Ĕçе – тĕрĕпе» республика акцине пирĕн шкул вĕрентекенĕсем хаваспах хутшăнчĕç. Чÿк уйăхĕн 24- мĕшĕнче чăваш тĕрри-эрешĕллĕ тумпа,  капăрлăхпа учительсем уроксенче ачасене вĕрентрĕç.