Вĕренекенсен тăван чĕлхепе литература пĕлĕвне анлăлатас, тăван çĕре, патшалăха хисеплес туртăма аталантарас тата ачасен тавра курăмӗпе сăмах пуянлăхне ÿстерес, ытарлăхĕпе сăнарлăх туйăмне аталантарас, шырав меслечĕпе ăсталăхне ÿстерес , вăйă -ăмăртăва анлăрах явăçтарас тĕллевпе ака уйăхĕн 28-мĕшĕнче Çĕрпелти пӗтӗмӗшле пӗлӳ паракан шкулти пуçламăш класра вĕренекенсен «Манăн Тăван çĕршыв – Чăваш Ен» вăйă иртрĕ.

             Шкулти ачасем мӗн пӗчӗкрен чӑваш юрри-кӗввине итлесе, ташшине ташласа, сӑввисене каласа ҫитӗнеҫҫӗ. Паян та кĕçĕн классенче вĕренекенсем илемлӗ юрларӗҫ, ташларӗҫ, ĕлĕкхи ача-пăча вăййисене вылярĕҫ.Пурте пӗрле вăйă карти йĕркелерĕḉ. Йăлана кĕнĕ Мăнкун вăййисем вылярĕç: çăмартасем кустарчĕç, юла пек çавăрттарчĕç, кашăкпа çăмарта йăтса чупрĕç.
Ачасем уявра чунтан савӑнчĕҫ.
             Уяв ҫакӑн пек сӑмахсемпе вӗҫленчӗ: "Эпир, чӑваш ачисем, чӑвашла вылятпӑр, юрлатпӑр пулсан, чӑвашла сӑвӑсем калатпӑр пулсан, чӑвашла калаҫатпӑр пулсан чӑваш пулма пӑрахмӑпӑр".