Чăваш чĕлхи эрни малалла пырать. Паянхи  куна та шкул ачисем питĕ ĕçлĕ,  тухăçлă, курăмлă  ирттерчĕç. Иртенпех шкулта вăйă-кулă, юрă-ташă, шӳт, савăнăçлă кулă  янăрарĕ, ачасем тĕрлĕ конкурссенче тупăшрĕç:  «Выляр-ха, тăван чĕлхене савса», «Ваттисен сăмахĕсене вĕçле», «Алфавита пĕлетĕр-и?», «Чăвашсен апат-симĕçĕ», «Кам маларах?»; «Кайăксен ятне пĕлетĕр-и?»  вăйă  иртрĕ. Ушкăнпа тăрса Чăваш Республикин гимне чăвашла юрларĕç.

    Çĕрпел тăрăхĕнче çуралса ӳснĕ Чăваш таврапĕлӳçисен кĕнекисемпе, презентацисемпе паллашрӗҫ. Паллă çынсемпе   урок-калаçу иртрĕ.

   Чăваш Енĕн паллă çыннисемпе мухтанма, вĕсене хисеплеме, вĕсем пекех ĕçчен те пултаруллă пулма шантарчĕç вĕренекенсем. Пысӑк тав пирӗн хӑнасене.