Нарăсăн 20- мĕшĕнче Çĕрпелти вăтам шкулта 5- мĕш класра вĕренекенсем Вăрнарти Офицерсен Союзĕн председателĕпе Васильев Н. И. тĕл пулчĕç. Васильев Н.И.- темиçе кĕнеке авторĕ. Вăл ачасене «Герои наших дней» тата «Служили в космодромах» кĕнекери геройсем çинчен питĕ тĕплĕ каласа пачĕ. Ачасем нумай ыйту пачĕç, хăйсем те чылай кăсăклă ыйтусем çине хуравларĕç. Николай Иванович ачасемпе тăтăшах тĕл пулать, тĕнчери лару- тăру çинчен, Раççей Çарĕ çинчен питĕ интереслĕ материалсемпе паллаштарать. Тĕл пулу пысăк шайра иртрĕ, çыравçă ачасене яланах хастар пулма, вĕренÿре пысăк çитĕнÿсем тума тата яланах малтисен ретĕнче пулма ырă сунчĕ. Юлашкинчен пурте пĕрле асăнмалăх сăн ÿкерчĕç.