Кашни тунтикунах пирĕн шкулта линейка пулса иртет. Линейкăра дежурнăй класс ертÿçи эрне хушшинче пулса иртнĕ çĕнĕлĕхсемпе паллаштарать, пĕтĕмлетÿсем тăвать. Çавăн пекех шкул администрациĕ шкулти вĕренÿпе воспитани (сапăрлăх) ĕçĕнчи улшăнусемпе çĕнĕлĕхсем çинче чарăнса тарать, конкурссенче тата ăмăртусенче пултарулăх кăтартнă  ачасене саламлать.

Иртнĕ шăматкун Вăрнарта Пĕтĕм Раççейри «Нацисен Кросĕ» массăллă чупу иртрĕ.  Унта пирĕн шкулта вĕренекен ачасемпе учительсем те хастар хутшăнчĕç. Вырăс чĕлхине вĕрентекен  Иван Николаев 65 çултан аслăраххисем хушшинче чи пултарулли пулчĕ.  Шкул ачисем  хушшинче те грамотăна тивĕçекенсем нумай пулчĕç.

Шкул директорĕ мала тухакан спортсменсене ăшшăн саламларĕ, малашне те ăнăçусем сунчĕ.