Кашни тунтикунах пирĕн шкулта линейка пулса иртет. Линейкăра дежурнăй класс ертÿçи эрне хушшинче пулса иртнĕ çĕнĕллĕхсемпе паллаштарать, пĕтĕмлетÿсем тăвать. Çавăн пекех шкул администрациĕ шкулти вĕренÿпе воспитании (сапăрлăх) ĕçĕнчи улшăнусемпе çĕнĕлĕхсем çинче чарăнса тарать, конкурсенче тата ăмăртусенче пултаруллăх кăтартнă  ачасене саламлать.

Иртнĕ шăматкун Вăрнарта Пĕтĕм Раççейри «Нацисен Кросĕ» массăллă чупу иртрĕ.  Унта пирĕн шкулта вĕренекен ачасемпе учительсем те хастар хутшăнчĕç. Вырăс чĕлхипе вĕрентекен  Иван Николаев 60 çултан аслăраххисем хушшинче чи пултарулли пулчĕ. ÿнер ĕçĕнче вăй хуракан  Надежда Андреева вĕрентекен те чи  пултаруллисем шутне кĕме пултарчĕ. Шкул ачисем  Крипчаков Дмирий, Шашков Иван, Артемьева Анастасия та грамотăсене тивĕçрĕç.

Шкул директорĕ мала тухакан спортсменсене ăшшăн саламларĕ, малашне те ăнăçусем сунчĕ.