Паян вĕренÿ çулĕ вĕçленнĕ ятпа Çĕрпел шкулĕнче хаваслă линейка иртрĕ. Шкул директорĕ Корнилов А.Я. вĕренÿ çулне пĕтĕмлетсе сăмах каларĕ, чи лайăх вĕренекенсене хисеп хучĕсемпе чысларĕ.

Воспитани енĕпе ĕçлекен çумĕ Феофанова Л.В. шкулта çĕртме уйăхĕн 1-мĕшĕнчен лагерь ĕçлеме пуçлани çинчен пĕлтерчĕ. Ачасене сывлăха çирĕплетме тĕрлĕ майсем туса пама тăрăшни çинчен каларĕ.

Çавăн пекех шкулти пахча çимĕçсем валли уйăрса панă участокра ĕçлемелли графикпа Андреева Н.В. паллаштарчĕ.

Вĕрентекенсем хаваслă каникул вăхăтĕнче ачасене лайăх канма, сывлăха çирĕплетме ăнăçу сунчĕç.