Çу уйăхĕн 4-мĕшĕнче республикăн тĕп хулинче Шупашкарта «Туслăх хĕлхемĕ» фестиваль иртрĕ. Конкурса ачасем йышлăн пуçтарăннă. Районсенчен тата тĕп хуламăртан пухăннă ачасем пилĕк номинацире тупăшрĕç. Вăрнар район чысне Çĕрпелти вăтам шкулта  7-мĕш класра вĕренекен Сергеева Камилла хÿтĕлерĕ. Çăмăлах мар тупăшура Камилла «Тăван кил ăшши – атте-анне ăшши» станцире сăвă çырса палăрчĕ. «Илемлĕх тĕнчи» конкурсра юрланă «Анне» юрă пурне те тыткăнларĕ. Малашне те эпир ăна пысăк çитĕнÿсем сунатпăр.