Аслă Çĕнтерÿ кунĕ çывхарнă май вăрçа хутшăннисене тав тума, вĕсемпе паллашма, патриотизм туйăмне вăйлатас тĕлĕшпе Çĕрпелти вăтам шкулти директор çумĕ Феофанова Л.В. тата вуннăмĕш класс ачисемпе класс ертÿçи Васильева Е.Ф. вăрçăпа ĕç ветеранĕ Федоров Иван Федорович патне хăнана кайрĕç.

Хурăнсур Çармăс ялĕнче пурăнакан ветеранпа унăн ывăлĕ хăнасене кăмăлпа кĕтсе илчĕç. Ачасем ветерана çывхарса килекен уявпа саламларĕç, асăнмалăх парнесем пачĕç, сăвăсем вуларĕç тата сăн ÿкерĕнчĕç. Иван Федорович вăрçă çулĕсене куççульпе аса илсе каласа пачĕ.

Çирĕп сывлăх сунса, уява хаваспа кĕтсе илме сĕнсе учительсемпе ачасем ветеранпа сыв пуллашрĕç. Вĕренекенсем тĕл пулупа кăмăллă пулчĕç.